Sunday, December 30, 2007

ബയോളജി ലാബ്


നിനക്ക്‌ ഓര്മ്മയുണ്ടോ , നമ്മള്
ബയോളജി ലാബില്
വെള്ളത്തണ്ടുകളെ ചെറുതായരിഞ്ഞ്

മൈക്രോസ്കോപ്പുകള്‍ക്ക്

തിന്നാന് കൊടുത്തത്?

ഞാന്മറന്നിട്ടില്ല,നമ്മള്
ചുവന്ന ചെമ്പരത്തിപ്പൂവുകളുടെ
നിലവിളികള്‍ കേള്‍ക്കാതെ , അതിനെ
പിച്ചിച്ചീന്തിയത്.....

മറന്നാലും തേട്ടിവരും , നമ്മള്
കൂറകളുടെ കൈകാലുകളില്

ആണിയടിച്ചുകയറ്റി ,
തൂവാലകൊണ്ട്രക്തമൊപ്പാതെ
കീറി , ഹ്രിദയത്തിന്റെ
മിടിപ്പെണ്ണിയത്.

ആത്മാവിനും ശരീരത്തിനും പക്ഷെ
ഉയരത്തെഴുന്നേല്പ്പുണ്ടായില്ല.
ദയവായി നീ ഇതൊന്നും മറന്നേക്കരുത്
എനിക്കുവേണ്ടിയെങ്കിലും....

Tuesday, December 18, 2007

നീ


ആര്‍ക്കുംവേണ്ടാത്ത
തലയോട്ടികളെയാണ്‌

എനിക്കുവേണ്ടത്‌.
എല്ലാവരും വെറൂക്കുന്ന
വിരൂപതയെയാണ്‌
ഞാന്‍ കാത്തിരിക്കുന്നത്‌.
ഒരാളൂം ഒാ‍ര്‍മ്മിക്കാത്ത
ദിവസങ്ങളെയാണ്‌

ഞാന്‍ സ്വപ്നംകാണുന്നത്‌।
പക്ഷെ,നീ..........
ഞാനാഗ്രഹിച്ച നീമാത്രം

എല്ലാവര്‍ക്കും വേണ്ടവളായിപ്പോയി........

ഒരിക്കല്‍ക്കൂടി നീ,

എന്നോട്‌ ക്ഷമിക്കുക
.